Emri: Ali
Mbiemri: Kuçi
Datëlindja: 12.07.1967
Vendlindja: Junik

Statusi martesor: I martuar-tre fëmijë

Përgatitja shkollore: Fakulteti i Mjekësisë

Pozita: Drejtor i Drejtoratit për Shëndetësi dhe     Mirëqenie Sociale

Shkollën fillore e kreu në vendlindje kurse shkollën e mesme në Deçan. Fakultetin e Mjekësisë e ka mbaruar në Universitetin e Kosovës në Prishtinë. Menjëherë pas luftës ka konsoliduar ambulancën në Junik Në vitet 1999-2001 ka punuar si udhëheqës i ekipit mjekësor në organizatën humanitare të deminimit “The Halo Trust”nga Britania e Madhe.

Ka specializuar në lëmin e Mjekësisë Familjare në vitin 2002. Një pjesë të specializimit e ka kryer në universitetin e Utrehtit në Holandë. Provimin specialistik e ka dhënë para profesorëve të Kolegjit Mbretërorë Anglez. Gjatë viteve 2002-2006 ka qenë shef i mjekësisë Familjare në QKMF  Deçan. Nga viti 2003 e deri më sot është ligjërues në Qendrën për Zhvillim të Mjekësisë Familjare në Prishtinë. Në qershor 2006 zgjidhet koordinator për Shëndetësi dhe Mirëqenie Sociale në PNJK Junik, pozitë të cilën e mbanë edhe sot. Aktualisht është duke punuar në temën e magjistraturës.

Përshkrimi i punëve dhe detyrave të punës :

Harton planin afatshkurtër dhe afatmesëm të zhvillimit të shëndetësisë.   

Koordinon punët  me shefat e sektorëve;

Kontakton dhe bashkëpunon me komunën amë me ministritë përkatëse, si dhe me zyrat tjera regjionale dhe lokale;

Nxjerr  vendime, jep rekomandime të nevojshme në suaza të ligjit,

Planifikon dhe programon politikat shëndetësore,

Merr masat e mbrojtëses shëndetësore që kanë të bëjnë me sigurimin e ujit cilësor dhe higjenik, sigurimin e ushqimit të kontrolluar; 

Siguron ofrimin e shërbimeve shëndetësore  primare;

Kryen detyra tjera me kërkesë të drejtorit ekzekutiv,

Organizon , koordinon dhe mbikëqyrë punët e drejtorisë në sektorin e Shëndetësisë dhe çështjeve sociale,

Planifikon dhe programon politiken shëndetësorë dhe sociale në komunë,

Siguron realizimin e ligjeve dhe rregullativës juridike si dhe akteve ndërkombëtare nga lëmi i mbrojtjes shëndetësore primare , mbrojtjes sociale , përkujdesjen ndaj luftëtarëve dhe invalidët e luftës , lëmin e sigurimit shëndetësor , çështjeve pensionalo invalidore , dhe mbrojtjen sociale të fëmije dhe të moshuarve,

Mbikëqyr dhe zbaton normativen juridike për mbrojtjen e ambientit dhe higjienës komunale,

Bashkëpunon dhe koordinon punën me qendrën komunale , sociale

Kryen edhe punë tjera organizative dhe programore nga kompetenca e drejtorisë për Shëndetësi dhe Mirëqenie Sociale.